Resumen: Orrialde hauek etorkizuneko hiritarrak hezteko erantzukizuna eta zeregina dutenei lagungarri izateko helburua dute. Lehen zein bigarren hezkuntzako ikasgeletan hiritar hezkuntzarekin lotutako eduki edota ikasgaiak irakasten dituzten irakasleei zuzenduta dago.
Liburu honek jasotzen dituen testuak Nafarroako Unibertsitateko Hiritar Parlamentuko ikerketa taldearen fruitu dira Nafarroako Parlamentuarekin izenpetutako hitzarmenari esker.
Hiritartasun aktiboago bat sustatzea da talde honen helburuetako bat, pentsamendu askoren ondoren, alor honetan gazteenen formakuntza nola hobetu proposatzen duena. Ardura honen ondorio bezala, 2010 etik aurrera hainbat jarduera eta ekimen eraman dira aurrera eta 2013an hiritar identitate baten eraketa prozesuko gizarte jarrerarik garrantzitsuenak islatzen diuen ikus-entzunezko edukiak garatzeko proiektu
batek eitea hartu zuen.
Bideo hauek egiterako orduan, ikus-entzunezko hizkuntzaren elementuak kontutan hartu dira beti: laburtasuna, alderdi bisualen garrantzia, ikus entzunezko narratiba ulertzearen beharra, etab. Dena den, bideoak eratzeko oinarritzat erabilitako gidoiak sortzeko testuak materiala testuinguruan jarri, gehiago jakin, edota gairen batean gehiago sakondu nahi dutenentzat erabilgarriak izan daitezkeela uste dugu.
Eta honela sortu zen liburu honen ideia, ikusentzunezko erreferentziak hauen sorburu diren hausnarketa teorikoekin uztartzen dituena.
