Edukira joan

AURKEZPENA

Guztion oroimenean geratuko den 2020 baten ondoren, gehienok 2021a itxaropenez begiratzen dugu, erantzukizun pertsonalari eta txertoen laguntzari esker COVID-19a menderatzen hasiko garen esperoan.

#LabMeCrazy! Science Film Festival-eko talde guztia formatu presentzialera itzultzeko irrikitan gaude. Aurreko edizioan ekitaldi birtual bat antolatzeak jaialdiaren funtsa sakonago ulertzen lagundu digu: ikusleengan zientziarekiko interes berri bat pizten duten esperientziak antolatzea da, hain zuzen, jomuga.

Paradigma-aldaketa hori ahaltsuagoa da esperientzia horretan murgiltzea handiagoa den heinean. Horregatik, antzokia berriro ireki behar dugu, zientziari buruzko dokumental bikainak pantaila handian ikusteko, distrakziorik gabe, zazpigarren arteak gugan eragin dezakeen inpaktu zoragarria jasotzeko prest. Giza kontaktua sentitu behar dugu berriro, bizitakoaren zirrara partekatzeko komunitate baten parte izan behar dugu. 2022ko otsailean posible izango ote da? Bihotz-bihotzez, hala espero dugu. Horregatik, une honetatik egoera hori buruan dugula ari gara lanean.

Aurreko edizioetan bezalaxe, lehiaketak nazioarteko ikus-entzunezko ekoizpenak jasotzen ditu eta, honi esker, zientziari buruzko lehen mailako dokumentalak eskainiko dizkizuegu, baita solasaldi interesgarriak ere. Jarduera berriak antolatzen jarraituko dugu, zientzialarien benetako lana ezagutzeko.

Bienvenido León, Director of #LabMeCrazy! Science Film Festival

Berrikuntza gisa, #LabMeCrazy! Science Film Festival-en hirugarren edizio honetan, topaketa bat antolatuko dugu youtuberrekin. Ekimen honen bidez urrats bat eman nahi dugu edonori bere sare sozialetan zientziari buruzko edukiak sortzen laguntzeko. Topaketa honetan zientziari buruzko bideo bikainak egiteko behar diren funtsezko ideiak landuko dira.

Bienvenido León. #LabMeCrazy! Science Film Festival-eko zuzendaria.

Values of the #LabMeCrazy! Science Film Festival

BALIOAK

#LabMeCrazy! Science Film Festival-ek ondorengo balioak bultzatu nahi ditu:

- JAKIN-MINA: ez dakiguna ezagutzeko grina.

- SORMENA: sortzeko joera.

- BERRIKUNTZA: berritasunak proposatzeko gaitasuna, dagoneko existitzen dena hobetuz edo ildo berriak irekiz.

- ZORROZTASUNA: ekintzak modu egoki eta zehatzean egitea.

- GRINA: zerbaitekiko gogo bizia eta desira sentitzea.

- PROAKTIBITATEA: aldaketak aurreikusiz eta onartuz jokatzea.

- KONPROMISOA: naturarekiko eta gizakiarekiko, baita pertsonentzako ongiarekiko ere.

         

#LabMeCrazy! Science Film Festival

Museo de Ciencias. Universidad de Navarra. Calle de Irunlarrea, 1 - 31008 Pamplona  |  Telf: +34 699027379   |  info@labmecrazy.org